Դասախոսների որակավորման բարձրացման ծրագրի կրթական կառուցամասերը
Դասախոսների որակավորման բարձրացման ծրագրի կրթական կառուցամասը ներառում է հետևյալ 5 կրթամասերը՝
♦ ընդհանուր,
♦ մանկավարժական-հոգեբանական,
♦ մասնագիտական պատրաստություն,
♦ ընդհանուր կամընտրական դասընթացներ,
♦ ՈԲ այլ ձևեր:
Առաջին երեք կրթամասերն ունեն 2-ական բաղադրիչ՝ պարտադիր և կամընտրական, իսկ վերջին երկու կրթամասերն ընդգրկում են միայն կամընտրական դասընթացներ:
Պարտադիր դասընթացներ
Սահմանված են երեք պարտադիր դասընթացներ՝
♦ Մասնագիտության արդի հիմնախնդիրները (2 կրեդիտ)՝ բոլոր ունկնդիրների համար,
♦ Անգլերեն (3 կրեդիտ)՝ իմացության պահանջվող բարձրագույն մակարդակը (մասնագետները՝ C2, ոչ մասնագետները՝ C1) չունեցողների համար,
♦ Դասավանդման, ուսումնառության և գնահատման հիմունքները (1 կրեդիտ)՝ սկսնակ (մինչև 5 տարվա ստաժ ունեցող) դասախոսների համար:
Կամընտրական դասընթացներ
Կամընտրական դասընթացները, որոնց աշխատածավալները սահմանափակված չեն, ունկնդրին ներկայացվում են յուրաքանչյուր ուսումնական կիսամյակ՝ ընտրության հնարավորություն տալով դասախոսին: Կամընտրական դասընթացների ցանկը պարբերաբար նորացվում է՝ հաշվի առնելով համալսարանի, ֆակուլտետների և դասախոսների լրացուցիչ պահանջները: